Sunday, May 23, 2010

Chhipa le Maa, Tu aanchal me...

Chhipa le ma, tu aanchal me, main ik toota sitara hoon.
Main jaisa bhi hoon he maiya, magar beta tumhara hoon.

Naheen paya kabhee bhi chain maiya maine jeevan me,
Kabhi na such ke sapne dekhe mere soone nainan ne,
Zara mujhko sahara do ki main ik besahara hoon,
Chhipa le ma, tu aanchal me, main ik toota sitara hoon

Na ho paaye kabhee jo maaf, kya aise paap hain mere,
Hai aisi kaunsi mushkil, naheen jo bas me hai tere,
Bana sakati hai tu kismat, ke main kismat ka mara hoon,
Chhipa le ma, tu aanchal me, main ik toota sitara hoon

Meri aankhon me ab aansoo bhi maiya chip na paayenge,
Yeh bah bah kar mere aansoo, tujhe dukhade sunayenge,
Mujhe tum lo sharan me ma, ki main jeevan si haara hoon,
Chhipa le ma, tu aanchal me, main ik toota sitara hoon

No comments:

Post a Comment

Jai Dadi Ki