Sharan me aaun teri Maa...

Sharan me aaun teri ma, na khali haath jaaunga
Safal kar kaamna meri vimal yash roj gaaunga

Tu maiya jag ki paalak, main bhee hoon tera baalak,
Kyon mamta taj kar roothi, bataa Mata
Main baalak ma tumhara hoon, tumhara hi kahaunga
Sharan me aaun teri ma, na khali haath jaaunga

Jag saara hai ma khara, bas tera ek sahara,
Main jaanch ke sab ko hara, Sati Mata
Sahara paa tera janani, dukhon ko main bhulaunga
Sharan me aaun teri ma, na khali haath jaaunga

Jo tera dhyaan lagawe, such sampatti hai who pawe,
Phir kyon mujhko kalpaave, sati mata
Karo sweekaar ma pooja, charan raj sheesh lagaunga
Sharan me aaun teri ma, na khali haath jaaunga

Ma lakh chorasee bhogi, phir nar tan paayo yogi,
Kya ab bhee sudh na logi, meri mata
Bahla hun ya bura phir bhee, main sewak hi kahaunga,
Sharan me aaun teri ma, na khali haath jaaunga